Rabu, 08 Desember 2021

Puisi Jawa Banten Encep Abdullah | Tai Atos | Sakinge | Jejalukan si Nong

 



Tai Atos


Kite wedi lamun urip iki semet-semet purik

Diomongi purik, dikritik purik

Suwe-suwe burik 

Lemah ati, lemah imane


Rasane urip kite kudu atos

Udu atos taine, tapi atos pendiriane

Ore gampang ngeleyod

Teteg


Lamun kite loyo gampang diiduhi ning uwong

Sampe diuyuhi, diisingi

Badane pangsing-badeg


Kite ore bise ngelawan bebalik nguntal tai

Tapi, tak untalaken kembang sing wangi

Ore kelingan kelawan pot-pote


Lamuntah urip kite nuruti ape jereh uwong bae

Lake bedane kite kaye kebo sing cecunguke dicolok


Jereh rabi kite akune aje akeh omong 

Sipintere lanang kedeleng dolog lan bejod lamun ore due picis


Kiara, Des 2021




Sakinge


Juned pualeng

Atine luare

Banyu matane buanjir

Ngedeleng si nonge kawin


Juned nuonjoki kedebogan ning buri tende hajat

Suampe bonyok suampe rubuh

Atine uajur rungkad ngedeleng si nonge

Poto rerangkulan kare bapane


"Tingbuatiiing ...!" 


Kiara, Des 2021




Jejalukan si Nong


Si nong jaluk sepeda

Kakang tokokaken motor


Kakang tokokaken motor

Si nong jaluk mobil


Kakang tokokaken mobil

Si nong jaluk kerete


Kakang tokokaken kerete

Si nong jaluk kapal banyu


Kakang tokokaken kapal banyu

Si nong jaluk kapal mabur


Kakang tokokaken kapal mabur

Si nong jaluk melaku


Nong, bodrek sing wingi kakang tuku limang karung kah masih tah?


Kiara, Des 2021




___

Penulis


Encep Abdullah, penulis sing wekel mangan endog lan doyan ngewadang.







Kirim naskah

redaksingewiyak@gmail.com