Puisi Jawa Banten (Jaseng) Nursiyah Faa
Gegelati
Ning sejerone wengi
Kite cume menuse sing akeh ragu-ragu
Tetakon dewek tentang kabare
Wis lawas ure kependak
Wis lawas ure tuker uruk salam
Ape deweke sehat? Sibuk ape sikine?
Ape inget karo kite?
Pertakonan ure peragat gegelati jawaban
HP kite muni, dade ngederegdeg durung siap
Nerime kenyataan dudu deweke
Kite dewekan gegelati deweke ning siku-siku wengi
Serang, Maret 2023
Luwih Ngebelangsak
Lake sing luwih ngebelangsak
Pintere meminteri
Lake sing luwih ngebelangsak
Miskine dunye ditambah kemalesanane urip
Lake sing luwih ngebelangsak
Sugihe nyenyolong
Napsune mangan duit umat
Lake sing luwih ngebelangsak
Napsu wirahi dituntasaken
Ning dudu sehalale
Lake sing luwih ngebelangsak
Loro warisan Nabi
Ure dicekel tekang mati
Lake sing luwih ngebelangsak
Sing pinteri nyalahi setan
Ure ngengace akhlak dewek nyerupani setan
Serang, 23 Januari 2023
Catetan Awal Maret
Sembarang Februari
Udan ngeriyek
Kali banjir lan jembatan kelem
Kite wedi nyebrangi
Ure kedeleng endi dedalan melaku
Endi dedalan banyu
Sekabeh dedalan kerurub banyu
Saban dine udan ngeriyek
Banyu mili sing udik ning ilir
Sawah-sawah kelem
Pari-pari kenang bebeluk
Gabah-gabah bosok ure keipe
Beras-beras munjuk ning deduhuran
Wong musakat pade bebentingan
Serang, Maret 2023
_______
Penulis
Nursiyah Faa, ibu rumah tangga beranak siji.
Kirim naskah ke
redaksingewiyak@gmail.com