Puisi Sunda Oki Khaeri Rojab
Kahayang Batur
Ari nu ges bekah
ulah sok diharepken balik dei
Nanaon geh ges kekuduana
Sia ngan saukur kuasa ngadoa
Ulah jadi jelma anu picareken batur
Hirup teh kudu bisa ngukur jeng diukur
Sakur sakur jelma nu bisa bersyukur
Bakal diresepan ku batur
Kiwarimah cik gera neangan pitutur
Kanu jelma nu ges masyur
Tina elmu
Umur
Jeng pibaliken ka kubur
Ges atuh da aing hayang dahar bubur
Ges bekah lin
Ciduh Abuya
Ari sia hirup ulah sok nyien pibadogan jurig
Sagala dosa sagala naon dilakonan
Benghar teh loba jalan na
Ulah milih jadi sakutu tina mahluk anu di bendu gusti allah
Tangkal moal hirup dina jero goa
Ari jelma moal salamet mungkur ka gusti
Cik gera balik dei
Mengpeng teu jauh tein tina tobat
Gera ka Chidahu
Gera letakan ciduh abuya
Cai putih tina abuya lewih berharga
Jeng jelma kados sia
Sugan menang syafaat tina ciduhna
Hikayat Cai Dina Jero Botol
Des, hate bareuh naon obatna
Nyerina sampe ka bayang-bayang naraka
Kumaha tadina jing
Sia nu bugoh ka aing
Kalaka kawin jeung nu lain
Naon maksudna bahela sia ngucap janji sahirup samati
Ulah mere aing pangerti
Ari bikang teh bisana ngan nganyenyeri
Aing nu belengur kie
Di goblok-goblok ku batur
Kulantaran parcaya omongan sia nu kamari
Bahwasana sia tetep bogoh meski ditikah batur
Ah eweh cai kitu
Coba beliken nu aya botolan
Sakalian aing asup ka botol-botolna
Aing isin cai panon naracak deres kie
___
Penulis
Oki Khaeri Rojab, penduduk Singarajan yang pernah nyantri di Baros.
Kirim naskah ke
redaksingewiyak@gmail.com
1 comments