Rabu, 10 November 2021

Puisi Jawa Banten Encep Abdullah | Endas Dudu Weteng | Jereh Mang Imin | Adawadan

 Puisi Jawa Serang Banten Encep Abdullah




Endas Dudu Weteng


sembarang cilik nyanyi endas dudu weteng

diulang-ulang tiap dine sampe wis endas telu 


nyanyian iku ngebekas ning pepolo 

tak nyanyikaken ning arepan anak lan rabi

"Endas dudu weteng. Endas dudu weteng.

Endas dudu weteng."


jereh anak kite lan ibune

"Lihat, ayah gila."

"Nyanyi apa kali. Gak jelas."


ape iye tah kite edan

rasanemah sing bengen


sembarang rabi nakon artine 

kite mbekan sadar


galihmah endas iku dudu sikil


Pipitan, Nov 2021




Jereh Mang Imin


ngerungu nasehat guru ngaji 

rasane adem kaye tas minum jasjus

ore suwe, ore puguh 

ilmune ilang dicolong angin


tak gelati-gelati angine

ore kependak-pendak

koisuk kite ngaji maning

alhamdulillah inget maning


jereh Mang Imin

urip kite melegok-melegok kaye ule alas

si Kediman ngoceh ning kite

"Elos sih melegok-melegok sing pentingmah 

aje nabrak. Daripade lurus bae, ngantuk.

Baranganu nabrak, modar sire!"


Kiara, Okt 2021




Adawadan


ane adan, budeg

ane pacar miskol, cekas


ane ibune nyeluk, bolot

ane pacare nyeluk, celingak-celingok


ane wong susah, picek

ane perawan, melotot


ane pengajian, sikil gempor

ane kongser Siti Badriyah, melayu leded


ane malaikat teke, adagideg

planga-polongo, ketelimbeng



Kiara, Okt 2021





___

Penulis

Encep Abdullah, asli wong Pontang. Doyan mangan endog ayam.