Puisi Jawa Banten Nursiyah Faa
Cerite Ning Sewalik Dine Wadon Sedunie
I
Wingi kite ngewace
Tagar-tagar rentep ning postingan
Medie sosial rame
Wong pade nulis
"Dine Wadon Sedunie"
Ning sebelah kite ane wadon cerite
Setemplok kulite ngebiru
Kenang gegebug tangan lakine
Cerite merana-merene lake benere
Malah akeh uwong bebalik nyerngeni
Ngumbar aib urusan laki-rabi
Didusun-dusun ning kabeh uwong
Wadon ngumpet ning pepeyek dewek
Wadon wis ilang hak suarane
II
Winginane rame
Santri-santri sing ayu rupane
Dirayu-rayu jaminan suarge
Dipakse nyekel barang gurune
Pepikang lare ure ketahan
Wis rogol putik kembang
Sedurung waktune
Duh Gusti
Subuh-subuh melati kuncup
Rigol siji-siji
Durung mendak lembayung alus marani bengi
Wadon nangis beberekan tekang serak
Mareki sekarat
Hak asasi menuse ketilep rurub napsu dunie
III
Wingi, winginane
Bocah wadon polodan
Dirayu kembang gule
Durung peragat ngelamoti
Kelambi dirorodi teke siji
Bocah polodan digauli babi
IV
Sing bengen tekang siki
Wadon-wadon sing rangde
Dadi guyonan
Ning lanang-lanang bangor ure ketamban
Ning pade wadone
Rangde disengiti
Rereakan lamun keperampagan
Rangde: najis ure kewisuhan
V
Wadon-wadon sing mateng umure
Durung kepedak jodohe
Digeguyu tetange
Perawan tue wadanane
Ning cangkem-cangkem lamis
Perawan tue: iwak berek sing amis
VI
Wadon, jerehe suarge ning tepake
Salah langkah kepeleset
Ning nerake tempate
Serang, Maret 2022
___
Penulis
Nursiyah, kuli pabrik.