Rabu, 30 November 2022

Puisi Jawa Banten | Encep Abdullah

Puisi Jawa Banten Encep Abdullah




Jereh 


jereh bu guru,

"urip iku kudu mengkenen"

jereh pak guru,

"urip iku kudu mengkonon"

jereh wong tue,

"urip iku aje mengkenen, aje mengkonon"


jereh bu guru, 

"nurut sire ning emak"

jereh pak guru, 

"nurut sire ning abah"

jereh wong tue 

"nurut sire ning guru"


jereh bu guru, 

"rajin sire belajar ning umah" 

jereh pak guru, 

"aje akeh maen ML ning umah"

jereh wong tue,

"belajar sing rajin ning sekolahan"


jereh bocahe

"mbuh temen!"


Pontang, November 2022



Nok, Ampurane


nok, emak ende ampurane

lamun weteng nok ore wareg-wareg

badane ore lemu-lemu

sekabeh pade larang

ore kejagan


bape wis gering-geringan

rumase badane loyo

wis tue akeh penyakite


nok, emak ende ampurane

spp sekole nok urung dibayar-bayar

emak semet-semet kekoreh ning sor kasur

nyeser-nyeser ning tetangge


nok, ende doane saos

menawi emak teteg

ngadepi urip sing ngederegdeg


Pontang, November 2022


________


Penulis


Encep Abdullah, penulis sing doyan mangan endog.



Kirim naskah

redaksingewiyak@gmail.com