Puisi Sunda Banten Yudi Damanhuri
GERING NANGTUNG
najan aing jauh
laku lampah teu kawawuh
hirup kudu diperjuangkeun
bodo amat nétijen mah
aing téa kandel beungeut
emang sia, keudeung rieut
sapopoé ngajedog ngereman imah
2021
JAUH KA PEUJIT
encan mokla sakumaha
awak némpél kénéh sagala banda
hirup lain cuma sagala boga pakaya
2021
ORAY SINDUK
geus babaraha kali kabawa ngimpi
oray sinduk nyantrokan indung suku
ceuk béja bakal aya nu cilaka di kulawarga
hudang héés nempo suku babolokot
karak inget, keurpeuting bérés ngurek
laju peureum teu sempet kukumbah
dina kobak cai bah Bapa Nuh
2021
PACUL MINTUL
saencan seukeut mah ulah deukeut aing
awak sia masih kénéh doang pacul mintul
padahal geus dicontoan ku bapa Adam
saprak néangan ema Hawa ihwal ka dunya.
2021
____
Penulis
Yudi Damanhuri hijrah ka Banten basa karusuhan Mei ’98. Sok nulis esai jeung drama. Salah sahiji nu meunangkeun Sayembara Naskah Drama Dewan Kesenian Banten 2017.
Kirim naskah ke
redaksingewiyak@gmail.com